Nilimitahan ng pamahalaan ng Pilipinas ang biyahe papunta sa South Korea dahil sa tumataas na kaso ng coronavirus disease (COVID-19) sa nabanggit na bansa, ayon kay Health Secretary Francisco Duque.
"Any travel to South Korea will be temporarily suspended," pahayag ng kalihim sa pulong balitaan nitong Miyerkules.
“Only permanent residents of South Korea, Filipinos leaving for study and OFWs returning for work will be allowed provided they signed a written declaration acknowledging the risks involved which will be complemented with health advisory pamphlets,” dagdag niya.
Tulad ng naunang pahayag ng Malacañang, sinabi rin ni Duque na nagpasya ang Inter-Agency Task Force on COVID-19, na magpatupad ng "travel restrictions" sa mga pasaherong manggagaling sa North Heongsan province ng South Korea kabilang ang Daegu City at Teongdo County, kung saan naitala ang mataas na kaso ng COVID-19.
"Filipinos and the foreign spouses or children and holders of permanent and diplomatic visas will be allowed entry subject to existing screening and quarantine protocols," paliwanag ni Duque.
"The travel restriction will be reviewed and be evaluated in the next 48 hours based on new developments," dagdag niya.
Nitong Miyerkules, umabot na sa 1,146 ang kaso ng COVID-19 sa South Korea, ayon sa Korea Centers for Disease Control & Prevention (KCDC).
Sa naturang bilang, 134 ang nasa Daegu City.—FRJ, GMA News
