Iniulat ng Department of Health (DPH) nitong Biyernes na 803 na ang kaso ng coronavirus disease 2019 (COVID-19). Samantang umabot naman sa 54 ang mga nasawi.
Sa inilabas na impormasyon ng DOH, sinabing 31 pasyente naman ang gumaling mula sa virus.
Hanggang nitong Huwebes, sinabi ng DOH na nakapagsagawa sila ng 2,147 COVID-19 tests. Sa naturang bilang, 784 ang negatibo habang hinihintay naman ang resulta ng 654 na iba pa.
Mayroon namang 722 katao na persons under investigation (PUI) at 6,321 na persons under monitoring (PUM).—FRJ, GMA News
