Beach-worthy sa kaniyang mga Instagram photos, ibinahagi ni Analyn Barro ang kaniyang sikreto sa pagiging fit at sexy.
"Pinakauna talaga discipline, disiplina sa sarili na hindi mo dapat sobrahan lahat. Kasi too much of everything is not right, right? So parang sa kainan, medyo discipline din ako," saad ni Analyn sa kaniyang GMA Artist Center shoot kamakailan.
"Pero of course I have my cheat days, I have my weekends. Weekends are my cheat days, I eat everything. But when weekdays na, nagka-cut down ako ng rice, nagka-cut down ako ng ulam," paliwanag pa niya.
Regular pa rin naman daw ang kaniyang kain at wala naman siyang sinusunod na partikular na diet.
"I don't do IF (intermittent fasting) and I don't do keto diet. I'm not against them pero I think it doesn't work for me. Like hindi ko kaya 'yung all meat, hindi ko kaya 'yung parang, hanggang 8 (p.m.) lang ako kakain. Kasi minsan after every four hours nagugutom ako pero pakonti-konti lang 'yung kain ko," patuloy niya.
"Regular 'yung kain ko pero discipline lang, medyo cut down lang ako especially rice," saad pa ng "Bubble Gang" babe.
Para kay Analyn, nakaaapekto ang kinakain sa hubog ng katawan kaya madisiplina siya sa kaniyang pagkain.
"Would you believe na sometimes sa isang week wala akong exercise? Sometimes it's all pure diet. Sometimes kasi 'yung kinakain mo kasi, nagma-matter. Kahit todo-gym ka, kumakain ka naman nang malakas, wala lang din. So for me, sometimes I do gym twice in a month ha. Like I don't do gym everyday," anang aktres.
"Ano lang, konting papawis and then discipline sa kain, 'yun lang," dagdag pa niya.
Pagdating naman sa proyekto, sinabi ni Analyn na nais niyang masubukan ang action series.
"'Yung mga action series, tapos mga barilan, gusto ko 'yun. Kasi mahilig din ako sa games. I'm a gamer actually, mahilig ako sa PUBG (PlayerUnknown's Battlegrounds), mahilig ako sa guns. I do firing also in real life," pahayag niya. -- FRJ, GMA News
