Humingi ng paumanhin si Janno Gibbs matapos siyang hindi makarating bilang guest sa sold-out concert nina Jennylyn Mercado at Dennis Trillo na "CoLove Live."
"I would like to publicly apologize for not making it to the concert. Was excited to be part of this milestone," paglalahad ni Janno sa kaniyang Instagram.
Inilahad ni Janno ang dahilan kung bakit hindi siya nakapunta.
"Unfortunately,i had been shooting 2 movies at the same time..which resulted to my getting sick. I called Jennylyn 2 days before the show..saying i dnt have the voice to sing our duet.
Kinuha rin ng "King of Souls" ang pagkakataon para humingi ng paumanhin kina Jennylyn at Dennis.
"Again so sori to JenDen and their audience for my absence "
Isa dapat si Janno sa mga guest performers nina Jennylyn at Dennis sa kanilang concert na ginanap sa New Front Theater noong Pebrero 15. Ipinakita sa concert ang love story ng JenDen sa tatlong chapters - ang simula ng kanilang pag-iibigan, ang breakup nila at second chance nila sa pag-ibig.
Kinanta nina Jennylyn at Dennis ang mga classic na 80's at 90's music sa "CoLov Live" concert.
Special guests din sa concert sina Asia's Multimedia Star Alden Richards, Nar Cabico, Nico Antonio, Juan Miguel Severo, Jay Durias, Nyoy Volante, Carlo Aquino, JK Labajo at Alex Gonzaga.
Matatandaang nag-duet sina Jennylyn at Janno sa mga kantang "Moments of Love" at "If I'm not in Love With You."-- Jamil Santos/FRJ, GMA News
