Inihayag ng sensational Korean boy group na BTS ang hangarin nilang makabalik muli sa Pilipinas at makita ang mga Pinoy ARMYs.
“I heard that there are a lot of ARMYs in the Philippines. I’d like to see you as soon as possible,” sabi ni V sa isang video message sa press.
“I always want to see [you] with good music and performances after the [COVID-19] is over,” dagdag pa ni V.
Saludo naman si RM sa kanilang fans na sumusuporta sa kanila “even with a hot weather” sa kanilang mga tour, kaya gusto niyang makita silang muli.
“I’d like to visit again as soon as possible to hear the cheers of ARMYs in the Philippines,” sabi ni RM.
Mahal din daw ni J-Hope ang Pilipinas at sinabi niyang “[it] can’t be left out for [our] Southeast Asia tour.”
Sinabi naman ni Jimin na alam nila ang effort na ibinibigay ng fans, kaya “very grateful” si Jungkook.
“We know very well that you are always sending us messages through social media,” sabi ni Jimin.
“You are also doing various activities such as uploading videos that cover our songs or dances and participating in competitions,” dagdag ni Jimin.
Para pa kay Jin, pinapangarap niyang pumasyal sa Pilipinas bilang isang "vacation spot."
Si Suga naman, hilig ang panonood ng Philippine basketball dahil nakikita niya ang “very high” na level ng pagtangkilik at pagmamahal ng mga Pinoy dito.
Ginanap kamakailan ang kanilang ikatlong online concert na “Bang Bang Con 2021” na nagkaroon ng 2.7 million concurrent viewers.
“BTS Live Trilogy Episode III: The Wings Tour In Manila" ang huling concert ng BTS sa Pilipinas noong 2017.--Jamil Santos/FRJ, GMA News
