Pinainit ni Heart Evangelista ang social media sa kaniyang beach body habang nagbabakasyon sa Balesin, Quezon.

Sa kaniyang Instagram, makikita ang toned abs ni Heart suot ang kaniyang two-piece swimsuit, habang nagkakape.

Sa ulat ng GMA News "Unang Balita" nitong Biyernes, sinabing kasama ni Heart sa Balesin ang asawang si Sorsogon Governor Chiz Escudero para sa kanilang mini honeymoon.

Espesyal sa mag-asawa ang Balesin dahil doon sila ikinasal noong 2015. — VBL, GMA News