Humingi ng paumanhin ang American band na Stephen Speaks kaugnay sa kanilang social media post sa nangyaring traffic incident na kinasangkutan ng kanilang Grab car driver na nahuli umano sa paglabag sa batas-trapiko.
"Our Grab (like Uber) driver just got pulled in Manila over for running a red light, and my tour crew bribed him with a selfie with me to let us go," sabi ng banda sa Facebook post.
Hindi nagustuhan ng ibang netizens ang mensahe sa post at may mga nagsabi na "no one is above the law." Iimbestigahan din ng Metro Manila Development Authority ang insidente.
Dahil sa mga puna, nag-post ng palilinaw ang Stephen Speaks, bukod pa sa kanilang paghingi ng paumanhin.
"We did not mean anything by this. It was just a poor choice of words on our part. It was done in jest that resulted in this," saad ng grupo.
"We apologize to all who have been bothered by this seeming disregard for authority. Rest assured, we respect all the authorities in the Philippines. We will learn from this," dagdag nito.
Una rito, ipinaliwanag ng grupo na walang nilabag na batas ang kanilang Grab driver at ipinakita sa traffic enforcer ang kuha ang dash cam video.
"We aren't criminals here. It's like the replay in a sports game when the referee realizes he saw it wrong," anang banda. "I just thought it was funny the officer wanted a selfie with me. I apologize for using the word 'bribe,' that's not actually how it went down."
Nasa bansa si Stephen Speaks, isang acoustic pop act na pinapangunahan ni Rockwell Ryan Ripperger, para sa serye ng pagtatanghal. —FRJ, GMA Integrated News