Inihayag ni Benjamin Alves na gusto na niyang maging isang ama at maranasan ang kasabikan na may inuuwian na pamilya gaya ng mga kuwento ng ibang Kapuso actors na padre de pamilya na.
"When you ask me what's my next role earlier, during the break, that would be the perfect role I would want, is to become a father," sabi ni Benjamin sa "Fast Talk with Boy Abunda" nitong Huwebes.
Gumanap nang tatay si Benjamin sa ilang proyekto pero ayon sa aktor, iba pa rin ang sa tunay na buhay.
Nakita rin ni Benjamin ang pagiging ama sa iba pa niyang co-actor, gaya ni Mike Tan, at gusto niya itong maranasan.
"From people, co-actors that I've worked with, iba eh. You come on set and there's a deeper meaning and there's a deeper reason why you're on set. And 'yung excitement, sila Mike Tan specifically, 'yung excitement nilang umuwi para makita 'yung pamilya nila, I want that. I want that for me and my wife," paliwanag niya.
Mensahe ni Benjamin sa kaniyang magiging anak, "Son or daughter, I hope you're proud of me. I hope that... I hope I am raising you correctly, and I hope I'm ready. You are my reason why I'm still here, you're my reason why I'm happy. And you're the reason why I work and I get to do what I love because I love you."
Ikinasal si Benjamin kay Chelsea Robato nito lang nakaraang Enero.
Naging engaged ang dalawa noong Disyembre 2022 matapos na maging magkarelasyon noong 2019.
Kabilang si Benjamin sa Kapuso series na "Widows' War" na nitong nakaraang linggo ay pinaslang ang kaniyang karakter na si Basil.
Pero maging si Benjamin, hindi raw alam kung sino ang lumason at pumatay kay Basil.
Itinuturing ni Benjamin na isang karangalan para sa kaniya na makasama at maka-eksena ang lead stars nito na sina Bea Alonzo at Carla Abellana.-- FRJ, GMA Integrated News
