Boobay, ‘currently stable’ at ‘in good condition’ matapos mag-collapse sa stage sa Oriental Mindoro

Nagpapagaling si Boobay matapos siyang mag-collapse sa gitna ng pagtatanghal sa Bansud, Oriental Mindoro.

“Sparkle GMA Artist Center assures the public that Boobay is currently stable, and in good condition,” saad ng talent arm ng Kapuso Network sa isang pahayag.

"Sparkle is fully supporting his recovery with complete medical care, rest, and regular monitoring. We sincerely thank fans and the public for their concern and kind messages during this time," dagdag pa ng Sparkle.

"Boobay is grateful for the support and looks forward to returning once fully recovered," patuloy nito.

Sa ilang video sa social media, mapanonood si Boobay na natumba habang nagtatanghal sa Basudani Festival Variety Show noong Enero 19. Agad naman siyang tinulungan ng medical team.

Ayon sa GMA Public Affairs, nakabalik din si Boobay sa stage matapos ang insidente makalipas ng ilang minuto. – Jamil Santos/FRJ GMA Integrated News