Nakatakdang mag-direk ang Filipino-American filmmaker na si Ronnie Del Carmen ng isang original animated series para sa Netflix na tampok ang Filipino folklore.
Sa Star Bites report ni Cata Tibayan sa GTV "Balitanghali" nitong Biyernes, sinabing kilala si Ronnie bilang story supervisor ng pelikulang "Up" at co-director ng "Inside Out" na parehong sa Disney Pixar.
Sinabi ni Ronnie sa GMA News stringer na si Janet Nepales na under development pa ang series tungkol sa kakaibang folklore ng mga Pinoy na natutunan niya noong nanirahan siya sa Cavite City.
"In the dark somebody would tell him ghost stories, creature stories. And it would be the elders who would be telling you stories that they have heard since they were kids," sabi ni direk Ronnie.
Ayon kay direk Ronnie, hindi madaling desisyon ang pag-alis niya sa Pixar Films.
"It was off course momentous because I have stayed in that company for 20 years, you don't just leave that behind. But at the same time I feel that I needed a growth spurt that I could not do by staying. So given the opportunity that Netflix has, what I felt like, this was the right thing to do," sabi niya.
Dagdag pa ng direktor, panahon naman para ikuwento ang istorya ng mga Pinoy.
"I feel like my journey specifically now at this age that I am is to kind of tell the stories that fascinate me about, the lore, the things that you grew up with."--Jamil Santos/FRJ, GMA News
