Inilagay ng Inter-Agency Task Force (IATF) sa "Red List" ang mga bansang Grenada, Papua New Guinea, Serbia at Slovenia dahil sa mataas na kaso ng COVID-19.
Ayon sa Malacañang, mananatili sa Red List ang naturang mga bansa mula Setyembre 19 hanggang 30.
Nauna nang inilagay sa Red List mula September 12 hanggang 18, ang mga bansang Azerbaijan, Guadeloupe, Guam, Israel, Kosovo, Montenegro, North Macedonia, Saint Lucia at Switzerland.
Ang mga bansang nasa Red List ay itinuturing na COVID-19 high risk areas.
Lumilitaw na mayroon itong mahigit 500 COVID-19 cases per 100,000 population sa nakalipas na 28 araw.
Dahil dito, hindi papayagang bumiyahe sa Pilipinas ang mga tao mula sa mga bansang nasa Red List, maliban kung mga Pilipino na sakay ng repatriation o special commercial flights.
Samantala, nasa "Green List" naman ang American Samoa, Burkina Faso, Cameroon, Cayman Islands, Chad, China, Comoros, Republic of the Congo, Djibouti, Equatorial Guinea, Falkland Islands (Malvinas), Gabon, Hong Kong (Special Administrative Region of China), Hungary, Madagascar, Mali, Federated States of Micronesia, Montserrat, New Caledonia, New Zealand, Niger, Northern Mariana Islands, Palau, Poland, Saba (Special Municipality of the Kingdom of Netherlands), Saint Pierre and Miquelon, Sierra Leone, Sint Eustatius, Taiwan, Algeria, Bhutan, Cook Islands, Eritrea, Kiribati, Marshall Islands, Nauru, Nicaragua, Niue, North Korea, Saint Helena, Samoa, Solomon Islands, Sudan, Syria, Tajikstan, Tanzania, Tokelau, Tonga, Turkmenistan, Tuvalu, Vanuatu, at Yemen.
Ang mga bansa/territories/jurisdictions na wala sa naunang dalawang listahan ay nasa "Yellow List."
Sa ilalim ng Yellow List, ang bansa ay mayroong 50 hanggang 500 COVID-19 cases per 100,000 population. Habang ang nasa Green List mayroon lang na 50 COVID-19 cases per 100,000 population. — FRJ, GMA News
