8-7 boto: Desisyon ng SC sa MOA-AD mababaligtad pa, ayon sa senador

MANILA – Naniniwala si Senate Majority Leader Francis “Kiko" Pangilinan na maaari pang mabaligtad ang desisyon ng Supreme Court na nagbabasura sa Memorandum of Agreement on Ancestral Domain (MOA-AD) sa pamamagitan ng motion for reconsideration (MR). Sinabi ni Pangilinan na dapat bantayan ang anumang MR na maaaring ihain ng pamahalaan at maging dahilan upang baligtarin ng SC ang kanilang desisyon na nagdeklarang labag sa Konstitusyon ang pinasok na kasunduan ng pamahalaan sa Moro Islamic Liberation Front. Naunang pinuri ni Pangilinan ang walong hukom na nagbasura sa naturang kasunduan. Dikit naman ang boto ng pitong mahistrado na nagsabing wala ng saysay na desisyunan pa ang petisyon dahil ibinasura na nang pamahalaan ang kasunduan. "We welcome the SC's verdict on this controversial peace pact. It should serve as a lesson that if you promise more than what is possible, that if you deal in secrecy, and that if you push for an agreement that is full of legal incongruities, then everything is bound to backfire. Hindi lulusot ang palpak, kahit na ipilit," ayon sa senador. "While the Palace claims that the decision is moot and academic, the underlying message here is that we will not solve the problem in Mindanao if we will use tired methods. The only way to solve this problem is for both camps to show their good faith in such huge measures," idinagdag niya. Kaugnay nito, sinabi naman ni Sen. Francis “Chiz" Escudero na dapat simulan ulit ng pamahalaan ang usapang pangkapayapaan sa rebeldeng grupo na gamit ang naturang desisyon ng SC bilang gabay. “This ruling has finally nailed down the coffin of what was from the beginning an ill-penned accord. This should make all those who authored and had a hand in writing the accord to get red in the face and immediately turn in their resignation from the government for trying to bungle our Constitution," payo niya. Pinuri rin ni Senate President Manny Villar ang desisyon ng SC na nagtaguyod umano sa interes ng bansa. “I laud the magistrates who saw the merit of the petition questioning the constitutionality of this agreement that will practically dismember the Republic. This is one legal battle that claims no victor but the country." Hiniling naman ni Sen. Manuel “Mar" Roxas sa Palasyo na kaagad sibakin ang lahat ng opisyal ng government peace panel at Presidential Adviser on Peace Process na may kinalaman sa ibinasurang Memorandum of Agreement on Ancestral Domain (MOA-AD) sa Moro Islamic Liberation Front (MILF). Nababahala rin at nagtataka si Sen. Benigno “Noynoy" Aquino kung bakit walong hukom lamang ang bomoto sa argumentong “unconstitutional" ang MOA-AD. “Dapat ipaliwanag ng pitong hukom sa publiko kung bakit sila sumang-ayon sa nasabing kasunduan. Kailangan malaman ng publiko kung ano ang naging basehan ng pitong hukom na sumang-ayon sa MOA-AD," ayon kay Aquino. - GMANews.TV