Shrine Hills sa Davao landslide-prone area

Shrine Hills sa Matina, Davao City, landslide-prone area, matod sa Mines and Geo-sciences Bureau (MGB) sa GMA7-Testigo. Gipakita ni Engr. Rustico Villamor, supervising geologist sa MGB, ang geo-hazard map diin nagpakita nga landslide prone ang maong dapit. “Denudation land form" ang technical term sa MGB sa klase sa yuta sa Shrine Hills, buot ipasabot, namugna ang maong bungtod pinaagi sa natural nga proseso sa kanunayng paglihok niini hinungdan sa pagkausab sa porma sa bukid. Sama usab kini sa mga lugar nga nakahiagum ug pagdahili sa yuta ning bag-o lang sa Carmen, Tugbok District. Ang “toe" kon tiilan sa bukid maoy labing importanteng parte sa bungtod aron mapugngan ang pagdahili sa yuta. Sa higayon nga kankanan ang tiilan sa bukid, dili na unya mapugngan ang gibug-aton sa yuta sa ibabawng parte ug moresulta na sa landslide. Busa gitambagan sa MGB ang mga developer sa Shrine Hills nga mohimo ug dugang lakang aron mapugngan ang landslide. - Testigo