Arestado sa isinagawang drug buy-bust operation ng mga tauhan ng Mauban Municipal Police Station ang isang dating pulis na taga-Mauban sa lalawigan ng Quezon.

Kinilala ng mga awtoridad ang suspek sa si Lordson Custodio, 29-anyos, na taga-Barangay Sadsaran.

Isang pulis ang nagpanggap na buyer ang nakipagtransaksyon sa suspek.

Nakuha kay Custodio ang pitong sachets ng hinihinalang shabu na nagkakahalagang P15,000, at ang ginamit na marked money.

Ayon sa mga pulis, isang taon na ang lumipas nang mawala sa serbisyo si Custodio.

Batay sa record ng mga pulis, nag-positibo sa mandatory drug test na isinagawa noon si Custodio.

Nahaharap sa kasong paglabag sa Republic Act 9165 si Custodio na hindi na nagbigay ng pahayag.

Ayon kay Police Captain Vanessa Sayson, hepe ng Mauban MPS, matagal na nilang mino-monitor si Custodio matapos makarating sa kanila ang reklamo ng mga residente sa pagbebenta nito ng iligal na droga. —LBG, GMA News