Papag maker mula San Carlos, Pangasinan sa 'Day Off'

Bibisita ang Day Off sa Bamboo Capital of Northern Luzon---ang San Carlos City, Pangasinan! Tatangkain ng ating Day Off host na si Pekto na bumuo ng mga kasangkapang yari sa kawayan, tulad ng nakaka-relax na papag.  Pero ang gawain ng papag maker ay hindi natatapos sa pagbuo ng kama, kasama rin ang pagpasan nito sa likod at paglalako nito sa mga barangay hanggang maibenta. Kayanin kaya ni Pekto ang mga hamon ng pagiging papag maker?  Samantala, isang masayang day off ang hatid ni Isabel Oli sa isang maswerteng papag-maker na si Kuya Panoy at kanyang pamilya! Abangan ang mga tagpong ito sa Day Off, 6:10 PM Sabado (June 23) sa GMA News TV.