'Ahon', dokumentaryo ni Sandra Aguinaldo, ngayong Sabado sa 'I-Witness'

I-Witness: Ahon
Host: Sandra Aguinaldo

Isa na siguro sa pinakamahirap na trabaho ang maging mangingisda.  Hindi biro ang makipagbuno sa malalaking alon sa gitna ng dilim o magbatak ng mabigat na lambat habang babad sa sikat ng araw.  Sa mga buwang ito, lalo pang nagpapahirap ang hanging amihan... dagdag pabigat sa trabaho ng mga kababaihang umaasa sa biyaya ng dagat. 

Sa dulo ng Quezon, sa bayan ng Narciso, may mga kababaihang ikinabubuhay ang pangigisda.  Sa komunidad na ito, may 15 babaeng mangigisda.  Kasama sa kanila ang mag tiyahing sina Esther, 68 taong gulang at Clarissa, 19 taong gulang.  Umaabot sa isang libong pirasong kawit ang nilalagyan nila ng pain at isa-isang hinuhulog sa dagat.  Isa-isa rin itong i-aahon habang patuloy naman sa pagsasagwan ang asawa ni Esther na si Rigarder para ‘di tuluyang dalhin ng agos papalayo ang bangka.  Tahimik silang nagtatrabaho habang palakas nang palakas ang mga hampas ng alon at unti-unti silang nilalamon ng dilim.

Ilang oras bago sumikat ang araw,  sa isa pang bangka, abala rin si Ceniza Abayon, 40 anyos na babaeng mangingisda. Hindi sa agahan na mainit na kape nagsisimula ang kanyang araw kundi sa malamig na hampas ng alon. Kung sabagay, sanay na raw siya sa ganitong buhay dahil 30 taon na niya itong kabuhayan. Apat ang anak ni Ceniza at mas kailangan niyang magbanat ng buto ngayon dahil ang asawang katuwang sa panginigisda, abala sa pag-aalaga sa isang anak na nasa ospital. Pero minsan, kahit anong sipag, madamot ang dagat at 20 piso lang ang naiuuwi niya sa maghapong pagpapalaot.

Tulad ng kuwento ng maraming mangingisda sa PIlipinas, ang bawat araw ay isang pakikipagsapalaran, umaasang sa araw na iyon, magiging mapagbigay ang dagat.

Ngayong Sabado, sasamahan ni Sandra Aguinaldo ang mga babaeng buong tapang na sinusuong ang malalakas na alon ng Pasipiko sa I-Witness, 10:15pm sa GMA.

English translation

It is probably one of the toughest and least rewarding job in the world.  It’s not easy battling it out with the big waves in total darkness, or playing tug-of-war with a heavy net while baking in the hot sun.  In months like these, the northeast monsoon makes fishing doubly hard, especially for those women who rely on the ocean for a living.

The town of Narciso in Quezon has 15 fisherwomen.  Esther Necesario, 68 years old and her niece Clarissa Complitado, 19 years old, use 1,000 pieces of hooks tied to a fishing line to catch fish.  One by one, they carefully drop them into the ocean.  Once done, they go back to the first one to check if there is a haul while Esther’s husband Rigarder, continuously paddles to keep the boat from drifting away.  They work quietly and tirelessly as the waves become stronger and the darkness slowly embraces them.

A few hours before sunrise, on another boat, a 40 year old woman and a mother of four, starts her day hauling her net in the middle of the sea.   Ceniza Abayon says she is used to this kind of life—after 30 years of being a fisherwoman. Her husband who is her constant companion in fishing is unable to join her because he has to take care of their sick daughter in the hospital.  Ceriza knows she needs to keep on taking a chance in the sea even though there are days when a whole day’s work brings in only 20 pesos for the whole family. 

For all who rely on fishing for a living, everyday is gamble—hoping that when they set out to sea, they will bring home a good catch for their family. This Saturday on I-Witness, Sandra Aguinaldo joins these fisherwomen who brave the waves of the Pacific Ocean, 10:15pm on GMA. #