Kuwento ng misis na ipinusta sa sugal ng sariling mister, tampok sa 'Wish Ko Lang'

Wish Ko Lang!
May 19, 2018
"Pambayad sa Pusta"

Mahilig daw magsugal ang mister ni Lena na si Tisoy. Isang araw habang naglalaro ng pusoy, malaki na ang talo niya pero gusto pa ring makabawi, kaso wala na siyang maitaya. Hanggang sa nakipagkasundo si Tisoy sa hamon ng kalaro na itaya ang misis niya. Pero natalo siya at ayaw niyang pumayag sa naganap na pustahan. Napatay ni Tisoy ang kalaro niya!

Naging hudyat na ito ng karahasan sa buhay ni Lena. Mula noon kasi ay nagpalipat-lipat na sila ng tirahan, kailangan kasing magtago dahil sa bawat puntahan nilang lugar, may napapatay ang asawa niya. Maging si Lena, madalas na ring saktan ni Tisoy, kaya natauhan na siya at nagpasya na kailangang makaalis sa piling ng isang kriminal. Ngunit paano niya kaya magagawa ito?

 Tunghayan sina Teresita Ssen Marquez, Jak Roberto, Caprice Cayetano at  Rob Moya para isabuhay ang mga nakaka-antig na tagpong ito sa Wish Ko Lang!, kasama si Vicky Morales, Sabado ng hapon, pagkatapos ng Tadhana sa GMA-7.