Best actress award, inuwi ni Eugene Domingo mula sa isang Int'l film festival sa France

Nadagdagan ang nakamit na parangal ni Eugene Domingo sa indie film na Ang Babae sa Septic Tank matapos niyang iuwi ang Best Actress Award sa nakaraang Pau International Film Festival na ginanap sa France. Sa Chika Minute ng GMA news 24 Oras nitong Martes, sinabing naka-tie ni Eugene sa naturang parangal ang isang Russian Actress. Sa direksyon ni Marlon Rivera, Ang Babae sa Septic Tank ay ipinalabas sa Cinemalaya Festival at naging official entry ng Pilipinas para sa Best Foreign Film sa 2011 Academy Awards o Oscars. - FRJ, GMA News