Mga programa't personalidad ng GMA-7 at GMA News TV, wagi sa 10th Golden Screen Awards

Nagwagi ang mga programa at personalidad sa GMA-7 at GMA News TV sa ginanap na 10th Golden Screen Awards ng Entertainment Press Society nitong Biyernes ng gabi. Kabilang sa mga binigyan ng parangal ay ang Kapuso Primetime Queen na si Marian Rivera para sa Best Performance By An Actress in a Drama Series para sa Amaya. Nakuha naman ni Vicky Morales ang Outstanding Female News Presenter para sa news program na Saksi. Gayundin ang Outstanding Public Affairs Program Host para sa programang Wish Ko Lang. Iniuwi naman ng Kapuso leading man na si Dingdong Dantes ang parangal na Outstanding Adapted Reality Competition Program Host para sa Protégé: The Battle For The Big Artista Break. Itinanghal ding Outstanding Documentary Program Host si Kara David para sa iWitness. Habang Outstanding Public Affairs Program Host si Prof. Winnie Monsod para sa Bawal Ang Pasaway Kay Mareng Winnie. Ang Helen Vela Lifetime Achievement Awards ay ipinakaloob kina Gloria Romero (Drama), Nova Villa (Comedy), at Mel Tiangco (Broadcasting). Ang beteranong aktor na si Eddie Garcia ang tumanggap ng Ulirang Alagad ng Sining. Narito ang iba pang pagkilala na natanggap ng Kapuso station sa 2013 Golden Screen Awards: - Outstanding Educational Program: AHA! (GMA-7) - Outstanding Educational Program Host: Drew Arellano for AHA! (GMA-7) - Outstanding Magazine TV Program: iJuander (GMA News TV) - Outstanding Magazine TV Hosts: Susan Enriquez and Cesar Apolinario, iJuander (GMA-7) - Outstanding Public Service Program: Wish Ko Lang (GMA-7) - Outstanding Documentary Program: Philippine Treasures (GMA-7) - Outstanding News Program: State of the Nation: Ang Trahedya ni Sendong (GMA News TV) - Outstanding Reality Competition Program: Survivor Philippines Doubles Celebrity Showdown (GMA-7) - Outstanding Gag Program: Bubble Gang (GMA-7) - Outstanding Comedy Program: Pepito Manaloto (GMA-7) - Outstanding Supporting Actor in a Gag or Comedy Program: John Feir, Pepito Manaloto (GMA-7) - Outstanding Supporting Actress in a Gag or Comedy Program: Sheena Halili, Tweets for My Sweet (GMA-7) - Outstanding Performance by an Actor in a Gag or Comedy Program: Ogie Alcasid, Bubble Gang (GMA-7) - Outstanding Male Host in a Musical or Variety Program: Ryan Agoncillo, Eat Bulaga (GMA-7) - Outstanding Female Host in a Musical or Variety Program: Julia Clarete, Eat Bulaga (GMA-7) - Outstanding Supporting Actor in a Drama Series: Neil Ryan Sese, Munting Heredera (GMA-7). -- FRJimenez, GMA News