'Pepito Manaloto' cast, pinasaya ang fans sa Estados Unidos

Pinasaya ng cast ng weekend comedy show na "Pepito Manaloto" ang kanilang mga taga-hanga sa California sa Estados Unidos kamakailan.   Ayon sa ulat ng "Balitanghali" nitong Martes, tuwang-tuwa ang mga Pinoy at ilan pang shoppers nang makita nila ang cast sa meet and greet day ang ang cast ng nasabing programa na pinangungunahan ni Michael V na gumaganap bilang si Pepito Manaloto.   Game na game din ang buong cast sa pagpapa-picture ng fans at hindi rin sila nagpahuli sa pamimili.   Kasalukuyang nasa California ang cast ng "Pepito Manaloto" kabilang sina Manilyn Reynes, Jake Vargas, at iba pa upang mag-shoot ng ilang episode.   Kasama nila sa naturang trip ang Master Showman ng Philippine showbiz na si German "Kuya Germs" Moreno. - Mac Macapendeg/FRJ, GMA News