GMA Network, kabahagi sa selebrasyon ng 'Araw Ng Dabaw'

Ang GMA Network ang napili ng City Government of Davao na maging kabahagi sa inaabangang Coronation Night ng “Mutya Ng Dabaw" sa Miyerkules, Marso 14. Ang coronation night ng "Mutya ng Dabaw" ay bahagi naman ng taunang selebrasyon na “Araw Ng Dabaw." Gaganapin ang coronation night sa Davao City Recreation Center dakong 6:00 p.m. Magsisilbing host sa programa ang Kapuso actor na si Dingdong Dantes, TV host Isabelle Daza, at GMA Regional TV personalities and former beauty queens na sina Anna Maris Igpit at Resci Rizada. Kabilang naman sa mga magiging hurado sa “Mutya Ng Dabaw" si Miss World 2011 first runner-up, Gwendolyn Ruais. Maghahandog naman ng kanilang awitin ang mga Kapuso stars na sina Kyla, TJ Trinidad, at Gian Magdangal. “The Kapuso Network is elated to take the challenge of leveling up the prestigious search in time for the 75th founding anniversary of Davao City. This is our way of showing that we are truly committed to serve our regional audience by becoming a medium to showcase the beauty and positive spirit of the Dabawenyos to the world," ayon kay Oliver Amoroso, Assistant Vice President for Sales and Marketing ng GMA Regional TV. Ang "Mutya ng Dabaw TV Special" ay ipalalabas sa March 25 sa SNBO, ganap na 9:00 to 10:30 pm, via GMA TV Davao, GMA TV CDO, at GMA TV GenSan. Maari rin panoorin ang livestream ng event sa GMA News Online simula 7:00 PM sa March 14.  Ipalalabas din ito sa nabanggit na petsa sa GMA TV Dagupan, GMA TV Cebu, GMA TV Iloilo, GMA TV Naga, at GMA TV Bacolod simula 8:30 a.m. hanggang 9:30 a.m. -- FRJ, GMA News