Ilang mga Kapuso programs at personalities, pinarangalan sa Comguild Awards

Ginawaran ang ilang mga programa at kilalang personalidad ng GMA at GMA News TV (GNTV) sa katatapos na 2012 Comguild Awards noong Sabado.

 

Binigyang parangal sina VP for News at host “State of the Nation” na si Jessica Soho bilang Most Outstanding News Presenter at si Kapuso Foundation Executive VP at host ng “Powerhouse” na si Mel Tiangco bilang Best Entertainment Talk Show host. 

 

"I'd like to think that this is not really about me but it's about the newscast, ‘State of the Nation,’ that has given me another venue to show what my skills are as a journalist. Thank you to everyone in Comguild who voted for me. Salamat," saad ni Soho sa ulat sa "News to Go" sa GMA News TV nitong Lunes.

 

 

Kinilala rin sa naturang awards ang GMA-7 evening news program na “24 Oras” bilang Best News Program. 

 

Pinarangalan rin ang “News To Go” anchor na si Kara David bilang Best Female Field Reporter at ang Hall of Famer na si Jiggy Manicad bilang Best Male Field Reporter.

 

Guest speaker at lecturer naman sa naturang okasyon ang GMA SVP for News and Public Affairs na si Marissa Flores.

 

"You will be faced with choices between right and wrong and everything in between. Choose to do what's right. Everything we do, may consequence. Think first. Isipin po muna natin bago natin gawin," pahayag ni Flores sa kanyang talumpati sa nasabing okasyon.

 

Ang Comguild Center for Journalism ay isang award-giving body na kumikilala sa mga magagaling na mamamahayag at mga news presenters sa bansa. 

 

Ang kumite ay binubuo ng mga kilalang dean at educators sa Pilipinas. –Mac Macapendeg/KG, GMA News