MTRCB, ipinatawag ang TV5 para sa 'Wowowillie' gender sensitivity, decorum inquiry

Ipinatawag ng Movie and Television Review and Classification Board (MTRCB) ang TV5 dahil sa problema sa gender sensitivity at sa hindi-kagandahang asal kaugnay sa episode ng noontime variety show nito na "Wowowillie" noong Pebrero 28, ayon sa magkakasunod na pahayag sa kanilang opisyal na Twitter (@MTRCBgov).

MTRCB summons ABC5 for gender-sensitivity and decorum inquiry over Wowowillie — MTRCB (@MTRCBgov) March 7, 2013    

ABC5 called for gender-sensitivity and decorum inquiry over its noontime show — MTRCB (@MTRCBgov) March 7, 2013    

MTRCB's jurisdiction is principally over the program, not particular personalities in a show. — MTRCB (@MTRCBgov) March 7, 2013    

In calling ABC5, the MTRCB cites its MOU with the former and other networks on the Portrayal of Women in Media & Film. — MTRCB (@MTRCBgov) March 7, 2013    

MTRCB bombarded with "GMRC" complaints thru social media over ABC5 noontime show — MTRCB (@MTRCBgov) March 7, 2013    

As in all cases, the MTRCB shall endeavor to hear the side of all parties concerned. — MTRCB (@MTRCBgov) March 7, 2013    

Ito ay matapos na ipinahayag ng pangunahing host at producer ng palabas na si Willie Revillame ang kanyang sama ng loob at galit sa mga kasamahan nitong sina Ethel Booba at Ate Gay dahil sa usapin ng propesyonalismo. Matatandaang ipinatawag ng MTRCB ang ASAP 18, Sunday concert show ng ABS-CBN, dahil sa "provocative outfit" ni Anne Curtis sa kanyang birthday production number noong Pebrero 24. Gayundin, mayroon namang anim na buwang probasyon ang Party Pilipinas, ang Sunday concert show ng GMA-7, dahil sa di-umanong sekswal na production number ng magkatambal na sina Lovi Poe at Rocco Naccino na umere noong Enero 27. Samantala, isasagawa ang naturang pagpapatawag sa nasabing palabas ngayong Marso 13, ayon sa ulat ni Arniel C. Serato ng Philippine Entertainment Portal (PEP.ph). “The inquiry will be 2pm on March 13, there will be a separate ad hoc panel to hear the matter. Feb. 28 episode plus over-all decorum and depiction of women in the show,” nakasaad sa isang text message na ipinadala ni Chairman Eugenio "Toto" Villareal sa PEP.ph. Sa nasabing ulat, nagpadala naman ng reaksyon sa pamamagitan ng text message ang  Business Unit Head ng Wowowillie na si Jay Montelibano kaugnay sa nasabing summon. Saad pa nito, "We are governed by the guidelines of MTRCB and we have to adhere to the policies of what the panel or body seem fit. The intent of MTRCB is for our viewers to enjoy and be entertained without compromising the values and morals we show on air. Hence, we too, take it seriously." Nagpadala rin ang TV5 Corporate Public Relations Head na si Peachy Vibal-Guioguio sa PEP.ph. "Our legal department together with Wowowillie production will attend the mtg set by Mtrcb next week. Thanks." — Mac Macapendeg/BM, GMA News