Kapuso stars to join Heatwave Summer Bazaar on April 19-21

Dadaluhan ng mga Kapuso star ang Heatwave Summer Bazaar na gaganapin sa World Trade Center Metro Manila, na magsisimula sa Biyernes, April 19 at tatagal hanggang Linggo, April 21. Sa pagbubukas ng nasabing bazaar sa Biyernes ng umaga (10:00 a.m.), magsisilbing host si Janine Gutierrez at aawit naman ang bagong Kapuso artist na si Christian Bautista.   Pagsapit ng hapon sa Biyernes, makakasama naman sina Mike Tan, Denise Barbacena at Lovely Embuscado.   Sa Sabado ng hapon, makikisaya naman sa mga Kapuso sina Kris Bernal, Krizza at Ruru Madrid.   Habang sa Linggo ng hapon, sina Alden Richards, Chyna Ortaleza, Juanco Trivino at Dianne Hernandez naman ang makakasalamuha ng mga Kapuso sa bazaar. Bukod sa pamimili ng iba't ibang gamit na pang-summer, magkakaroon din ng mga event sa bazaar tulad ng Mr. and Ms. Summer 2013 Competition,  Celebrity Auctions and Variety Shows, Fashion at Kiddie Show,  Make-Up and Wellness Demos at iba pa. - FRJimenez, GMA News