Supply sa karneng baboy sa Sugbo di magnihit

Sukwahi sa nahitabo sa kauluhan nga pagnihit sa supply sa karneng baboy, Department of Agriculture sa Region 7 mipasalig nga igo ang supply dinhi sa Sugbo. Gipadaplin ni Engineer Ricardo Oblena, regional director sa DA 7, nga apektado ang Sugbo sa pagnihit karon sa karneng baboy. Gani, ang Sugbo man usa sa mga supplier niini. Gawas niini, nahimutang sa Sugbo ang ubang planta sa meat processing. Mapasigarbuhon usab ang DA 7 nga luwas ang rehiyon sa foot and mouth disease sa mga hayop. Sa paglibot sa GMA News team sa merkado sa Banawa, wala gani moirog ang presyo sa karne. Ang karneng baboy nagkantidad gihapon gikan P160 hangtud P170 matag kilo depende sa parte sa Baboy. Nagpabilin gihapon ang presyo sa manok apan minos gihapon ang ilang halin tungod sa nasinating krisis. - Balitang Bisdak