Upat ka tawo, sikop sa operasyon kontra droga sa Davao City

Nagpahigayon ug sunod-sunod nga operasyon batok illegal nga droga ang Sta. Ana Police Station sa Davao City, May 20 sa gabii. Alas diyes ang takna sikop sa Purok 5, Brgy. 31-D sila Dizon Catito Jackson, 39 anyos, fish vendor sa Bankerohan Public Market ug kauban niini nga si Jovan Tan Villabosa taga Bankerohan. Ang duha alegasyong naggamit ug shabu sa maong lugar. “Dili amo-a tong nakuha daghan man mga tao didto sa lugar", matud ni Jackson. Alas dose sa tungang gabi-i sikop usab sila sila Omar Aquian Salih, 22 anyos ug si Alex Aden 19 anyos, taga Purok 1 Brgy.76-A. Nakuhan si Salih ug usa ka sachet a gituhuang shabu samtang usa ka kustilyo ang nakuha sa posisyon ni Aden. Matud ni Salih nga dili kuno shabu ang nakuha gikan kaniya kon dili usa lamang ka gidugmok nga candy samtang ang kutsilyo kuno pangdepensa lamang kuno Aden sa iyang kaugalingon. “Dili man to shabu, candy man to wala gani ko kabalo na to sa akong bulsa", pagpaklaro ni Salih. Ang upat tanggong karon sa Sta.ana Police Station samtang giandam na ang kasong ipasaka batok kanila.