Balik Eskwela: Scholarship program, dakong tabang sa mga walay ikagasto sa eskwela

Dili karon basta-basta maka-enroll sa mga pristiyosong unibersidad sa Mindanao tungod sa kamahal karon sa tuition fees. Apan maayo na lang kay ang Ateneo de Davao University dunay gitanyag nga full scholarship program alang sa mga Valedictorian sa high school ug mga estudyanteng kabus nga maayo sa academic. Kabahin sa isaad sa palarang mapili sa scholarship program mao ang pagtuon ug tarong arun makahuman ug gamiton ang nakatonan sa serbisyo sa katilingban. Naila-ila sa GMA News si Wendie Jandraque, benepisyaryo sa full scholarship program sa maong unibersidad. Ang amahan ni Wendie, nagapamasada ug multicab samtang ang iyang inahan usa ka yanong maumoo. Busa, kung saligan lang ni Wendie ang kita sa iyang ginikanan, sa tuition fee sa Ateneo nga kapin 870 matag unit, dili gayud kuno nila kini makaya. Sa karon, 3rd year na si Wendie sa kusrong Management Accounting. “Daku gyud ning tabang sa mga estudyante, pareha namo nga dili gyud makakaya diri kung walay scholarship nga gikan gyud sa Ateneo", matud ni Wendie Jandraque, iskolar sa ADDU. “We provide tuition fee, 100%, meron pa siyang daily bread nga kumain sila sa aming food court everyday until they graduate", gikanayon ni Jeremy Eliab, Assistant to the President, ADDU. Sigun sa patakaran sa Commission on Higher Education, kinahanglang mupatuman gayud ug scholarship program ang matag unibersidad ug kolehiyo sa nasud. “All colleges and universities should have scholars at least 5% of their students total population", nagkanayon si Cristopher Pulido, Scholarship Program, CHED XI Ang Ateneo nagpasiatab nga desi otso porsiento ang ilang mga scholars. “18% of the population of Ateneo are scholars and therefore, ito yung mga anak ng vendors, anak ng mga taxi drivers, anak ng mga vendors sa Bankerohan, we have so many scholars", gidugang ni Eliab.