250 ka NPA giatake ang Police Station sa Trento, Agusan

Sobra dos siyentos singkwenta ka miyembro sa New People’s Army ang miatake sa Police Station sa Trento Agusan del Sur ug miabot sa kapin usa ka oras ang bakbakan diin duha ang kumpirmadong patay. Usa na dinhi ang errand boy sa maong police station nga si Salvador Ralla Jr., samtang nailhan ang usa nga si Virgilio Perocho, pulos mga sibilyan. Samdan usab ang duha ka police nga sila PO1 Lazarte ug PO3 Mhel Hubo. Ang hepe sa Trento Police nga si Chief Inspector Charity Galvez, dalai yang anak dihang nahitabo ang pagpangatake. Matud niya, human niya nabutang sa luwas nga lugar iyang anak, mikuha siya ug armas aron musukol sa nakapalibot nga armadong grupo. “Dautan sila, mga hayop sila! Ano ipinakita nila sa mga tao? Maganda ba ang ipanikatia nila? Maraming sibilyan ang nadamay!", pagpadayag sa kalagot ni Chief Inspector Galvez. Ang maong police station, duol lamang sa residential area. Samtang naigo usab ang police mobile, firetruck ingon man ang municipal hall. Matud sa otoridad, sigurado silang dunay namatay ug nasamdan sa NPA sanglit dunay nagkatag nga dugo sa palibot. Nakuha usab sa mga pulis ang usa sa mga sakyanang gamiton unta sa pag ikyas sa mga rebelde, nagkatag usab ang dugo dinhi. “We condemn this act, una they are attacking a facility of the government. Secondly, nagkaroon tayo ng casualty na sibilyan, ito ay nakakalungkot", matud ni Police Chief Supt. Reynaldo Rafal ang Regional Director sa Caraga Region. Gikondena usab ni Trento Mayor John Mark Billanes ang hitabo, “firetruck, patrol car, yung ating tatlong building actually about 1.5 to 2 Million Pesos yong damage", pagkwenta sa mayor. Samtang wala pay pahayag ang New Peoples Army labot sa maong insidente.