Lacson: Imbestigasyon sa umano'y maling paggamit ng SC sa WB loan, dapat isagawa matapos ang impeachment trial

Iminungkahi ni Sen. Panfilo Lacson nitong Lunes ang kanyang pagnanais na magkaroon ng imbestigasyon laban sa maling paggamit umano sa $21-9-milyong pautang ng World Bank (WB) ng Supreme Court matapos ang impeachment trial ni Chief Justice Renato Corona.

 

Sa isang panayam, inihayag ni Lacson na hindi maipapayong ipagsabay ang imbestigasyon at ang impeachment trial ni Corona sapagkat maaaring mailagay sa maling pwesto ang akusado.

 

"Ang worry ko dun we might be wittingly or unwittingly appear prosecutorial and as senator-judges, it wont augur well doon sa aming position dahil kami ang naghi-hear ng trial pagkatapos kami naman magdidinig doon sa issue ng alleged misuse ng loan ng World Bank, hindi maganda," aniya.

 

Inilabas ni Lacson ang kanyang pahayag matapos ihain ni Sen. Franklin Drilon ang Senate Resolution No. 674, na nag-uutos na siyasatin ang mga dokumentona ang pautang ng WB ay "mismanaged and disbursed in a manner contrary to the agreement between the two institutions."

 

"The investigation can be conducted after the trial or kailangan very clear yung delineation kung hanggang saan lang pwede namin tignan sa alleged misuse. Kailangan very clear ang paguusapan," aniya.

 

Inihayag din niyang hindi siya dadalo sa pagdinig kung ipagpapatuloy ang imbestigasyon.

 

"It’s up to the individual senators kung sino magbigay ng quorum sa kanya," aniya.

 

Ipagpapatuloy ang pagdinig ng impeachment ngayong Lunes ng hapon. — Amanda Fernandez/RSJ, GMA News