Comelec, hiniling sa korte na ilipat si Arroyo sa regular detention cell

Hiniling ng Commission on Elections (Comelec) nitong Martes sa Pasay City court na ilipat na si dating Pangulong Gloria Macapagal-Arroyo sa isang regular na detention facility mula sa kanyang suite sa Veterans Memorial Medical Center (VMMC) sa Quezon City.

 

Sa panayam ng GMA News Online, inihayag ni Comelec spokesman James Jimenez na inihain ang tatlong-pahinang motion nitong Martes ng tanghali sa Regional Trial Court Branch 112.

 

Sa mosyong ito, hiniling ng Comelec sa korte na maglabas ng kautusan sa VMMC director at sa iba pang mga doctor na magbigay ng manifesto sa "necessity" sa pananatili ni Gng. Arroyo sa VMMC.

 

"Otherwise, we respectfully pray for the issuance of an order directing the PNP and or the BJMP to transfer and commit Arroyo to a regular detention facility to be designated by the honorable court," ayon sa mosyon.

 

As of posting time, sinusubukan pa ng GMA News Online na makakuha ng kopya ng petisyon.

 

Kasalakuyan pang sumasa-ilalim sa hospital arrest ni Gng. Arroyo sa VMMC simula nitong Disyembre 9. Inaresto siya noong Nobyembre 18, parehong araw naghain ang Comelec ng kasong electoral sabotage laban sa kanya. — Amanda Fernandez/RSJ, GMA News