Isda sa Visayan Sea mas dyutay nalang?

Mas dyutay na lang ang isda nga makuha sa Visayan Sea, mao kini ang nasuta sa pagtuon nga gihimo sa National Stock Assessment Project gikan niadtong tuig 1998 hangtud sa tuig 2002.   Ang pag-ubos sa supply sa mga isda sa Western ug Central Visayan Seas maoy rason nga nagnihit na ang isda nga mapalit sa mga merkado.   Giingon nga gikan sa halos 3,000 metric tons nga isda nga nakuha niadtong 1998 niubos kini ngadto sa 1,400 metric tons na lamang niadtong 2002.   Kada lima ka tuig lamang himuon ang maong pagtuon hinungdan nga ang tuig 2002 pa lang ang latest nga datus nga nakuha sa pagkutlo ning balita.   Apan matud kang Prudencio Belga Jr. Aquaculturist II ug project leader sa National Stock Assessment project nga normal lang ang nasinati nga krisis.   Pinakadakong rason niini ang dynamite fishing ug ang mga fishing gears nga sama sa hulbot-hulbot.  — Bexmae Jumao-as and Vic Serna /GMA Cebu