OWWA, hinikayat ang mga Pinoy na huwag maging undocumented workers sa ibang bansa

Nanawagan nitong Lunes ang Overseas Workers Welfare Administration (OWWA) sa mga Pilipino na huwag maging undocumented workers sa ibang bansa.

 

Sa isang news release sa Philippine Information Agency website, inihayag ni Robert Bassig, OWWA Region II director: “The challenge is still posted on undocumented OFWs (overseas Filipino workers) in different countries in the world… We therefore urge them to always follow proper procedure in going abroad.”

 

Ayon kay Bassig, maaaring maaresto at mabilanggo ang mga OFW na mahuhuli ng mga dayuhang opisyal.

 

Aniya, may ilang undocumented workers ang nagtatrabaho sa ibang bansa na tourist visa lamang ,at hindi working visa, ang gamit.

 

May ilang dayuhang kumpanya namang hindi humihingi ng proper documents mula sa tinatanggap nilang mga aplikante.

 

“In the documents we have, there are countries where majority of OFWs are undocumented versus those who are documented,” aniya.

 

Hindi niya tinukoy ang mga bansang ito.

 

Ayon naman sa 2010 stock estimate ng Commission on Filipino Overseas (CFO), mula sa 9.452 milyong OFWS, walong persyento lamang o 704,916 Pilipino ay "irregular" o walang proper documents.

 

Ayon sa CFO, ang mga walang valid residence o work permit, o overstaying sa dayuhang bansa, ay kinikilala bilang "irregular OFWs."

 

Sa bilang ng 200,000, nanguna ang Malaysia sa listahan ng mga bansang mayroong undocumented OFWs.

 

Sinundan ito ng United States na mayroong 156,000 improperly documented Filipinos.

 

“This (number of undocumented OFWs) is a great challenge to us, especially so that we are facing problems in countries having internal difficulties,” ani Bassig.

 

Ayon sa kanya, hindi madaling magpa-uwi ng mga OFWs sa oras na magkaroon ng force repatriation sapagkat kinakatakutan nilang mawalan ng trabaho.

 

Sa tala ng CFO, narito ang top 10 destination ng mga OFW:  

    1. United States

    2. Saudi Arabia

    3. Canada

    4. United Arab Emirates

    5. Australia

    6. Malaysia

    7. Japan

    8. United Kingdom

    9. Hong Kong

    10. Kuwait — Amanda Fernandez/RSJ, GMA News