Koko: Kasong disbarment, hindi sapat upang tanggalin ang nominasyon para sa CJ

Hindi umano sapat na dahilan ang mga nakabiting disbarment na kaso upang matanggal ang nominasyon para sa Supreme Court chief justice na posisyon, inihayag ni Senador Aquilino "Koko" Pimentel III nitong Lunes.

 

Inilabas niya ang kanyang kasulátan matapos ihayag ni Sen. Panfilo Lacson na dapat bawiin ang nominasyon ni De Lima sa chief justice na posisyon dahil sa nakabitin niyang kasong disbarment na inihain laban sa kanya ni abogado Agustin Sundiam nitong Pebrero.

 

Inihain ni Sundiam ang disbarment na kaso laban kay De Lima sa Korte Suprema sapagkat tinawag umano niya si dating Chief Justice Renato Corona na isang "lawless tyrant" sa national television.

 

Sa kalaunan, ibinigay ang kaso sa Integrated Bar of the Philippines, na inatasang imbestigahan ang naganap at magpasa ng rekomendasyon.

 

Sinabihan ni Pimentel ang mga miyembro ng Judicial and Bar Council, na inatasang suriin ang mga nominado para sa chief justice na posisyon, na tingnan ang "circumstances" sa kasong disbarment at tukuyin kung mayroong laman ang reklamo.

 

“Some disbarment cases are clearly aimed for no other purpose than pure harassment. The disbarment complaint against Secretary De Lima is a classic case of political harassment and meant to deter her from performing her duties,” aniya.

 

Ayon sa senador, "grave injustice" umano kapag tanggihan ang nominasyon para sa chief justice na posisyon dahil lamang sa reklamong disbarment.

 

“The JBC should look at the entire qualifications of the nominees for Chief Justice. The Constitution provides that members of the judiciary must be of proven competence, integrity, probity and independence. The new chief justice should be all that and perhaps even more,” ani Pimentel.

 

Dagdag ni Pimentel, ang susunod na punong hukom ay dapat napatunayan na ang kakayahan niyang mamuno at ipagkaisa ang judiciary.

 

Nauna nang inihayag ni De Lima na malakas ang kanyang loob na mababasura ang kasong disbarment na inihain laban sa kanya.  — Amanda Fernandez/DVM/KG, GMA News