Kaso ng leptospirosis sa QC, umakyat ng 340%

Umakyat ng 340 porsyento ang kaso ng leptospirosis sa Quezon City, matapos ang mabigat at matagal na pag-uulan sa Metro Manila noong nakaraang taon. Sa ulat ni Allan Gatus sa radio dzBB ngayong Huwebes, sinabi ni Dr. Rolly Cruz, head ng epidemiology unit ng Quezon City health department na nakapagtala sila ng 346 na kaso ng leptospirosis mula Enero hanggang Setyembre. Tumaas ang bilang ng mga kaso mula 78 noong nakaraang taon para sa parehong mga buwan. Ayon pa kay Cruz, maaaring isisi ang pagtaas ng mga kaso ng leptospirosis sa pagbabaha dulot ng malalakas na ulan ng hanging habagat noong Agosto. Karamihan daw sa mga biktima ay mga lalaki, na ang iba ay 20 anyos pa lamang. Karamihan sa kaso ay naitala sa mga bahaing lugar ng Baesa, Gulod, at Tatalon. Higit sa 50 mga biktima ang kinailangang gamutin sa San Lazaro Hospital sa Maynila. Hinikayat ng awtoridad ang mga residente na huwag balewalain ang mga sintomas ng sakit tulad ng pag-ubo at sipon, sabay payo na dapat kaagad silang magpa-duktor kapag nakararanas ng ganitong karamdaman. Ayon sa US National Library of Medicine ang leptospirosis ay isang bacterial infection na nakukuha kapag na-expose ang isang tao sa bahang kontaminado ng ihi o dumi ng hayop. Ang risk factors ng leptospirosis ay ang mga sumusunod: