Kumukutitap na belen sa Pangasinan, nagbibigay ng saya

Atraksyon ngayon sa Sta. Barbara, Pangasinan ang isang belen na kumukutitap dahil sa mga ilaw na inilagay dito. Sa ulat ng Balita Pilipinas Ngayon nitong Biyernes, sinabing umabot sa 50,000 ang Christmas light ba inilagay sa belen. Nakadagdag din umano sa ganda ng belen ang inilagay na mahigit 100 Christmas décor. Tuwang-tuwa naman ang mag-asawang gumawa sa belen dahil sa pagdayo ng mga bumibisita. Ilang buwan din daw binuo ng mag-asawa ang naturang Christmas display. - FRJ, GMA News