Vidal miawhag og quality education

Giawhag ni Ricardo Cardinal Vidal sa archdiocese of Cebu ang mga magtutudlo ug mga ginikanan nga ihatag sa ilang mga anak ang dekalidad nga edukasyon. Sumala sa Cardinal, ang edukasyon maoy solbad sa problema sa kalisod. Nipadayag usab ang mga magtutudlo nga gikinahanglan nilang ang kooperasyon sa mga ginikanan ug mga estudyante sa pagtuman sa ilang katungdanan. Lakip sa makatabang pag-umol sa kinaadman sa mga estudyante ang mga kahimanan sama sa science laboratory. Kini usab ang kinahanlang hatagan ug pagtagad sa gobyerno ilabi na sa mga tunghaan sa mga kabus. Samatang ang mga maestra ug maestro sa mga publikong tunghaan sa elementarya ug high school apilan paghatag og school supplies sa kapitolyo inig bukas sa klase. Libuan ka mga tinun-an sa elementarya ug high school ang gikatakdang makadawat og school supplies. Apan nabantayan sa gobernador nga nanginahanglan usab og school supplies ang kapin onse mil ka mga magtutudlo sa probinsya. Supply sa class records alang sa tibuok school year maoy gikatakdang ihatag ngadto sa mga magtutudlo. Gani apilan sa paghatag ang mga principal ug supervisor, apan mga bag maoy ihatag ngadto kanila. Ang hunta probinsyal migahin og 15 milyones pesos alang sa school supplies sa mga tinun-an lakip na sa mga magtutudlo. - Balitang Bisdak