Estudyante natumbahan og bagtinganan patay

Patay ang usa ka Grade-3 pupil sa Talas Elementary School sa Sulop, Davao del Sur, human matumbahi og bagtinganan Miyerkules sa udto. Gikatahong nihangyo si Grecelyn Orong sa iyang mga classmate nga paapilon siya sa ilang dula mga 12:30 sa udto niadtong adlawa. Apan tungod kay gamay kini kumpara sa iyang mga klasmeyt, wala kini paapila. Busa niadto na lamang si Grecelyn sa may bagtinganan ug didto nag-inusarang nagdula. Gisulayan sa mga maestra nga salbahon si Grecelyn, apan ulahi na ang tanan. Naglisod pagdawat sa nahitabo ang lolo ug lola sa bata. Gikaingong sila ang nagpadako sa bata tungod kay tua sa laing nasud ang inahan niini ug ang amahan tua sa prisuhan. Pangandoy unta kuno ni Grecelyn nga mapagawas ang amahan sa prisuhan. Matod sa mga opisyales sa tulunghaan, andam kuno silang motabang sa kabanay ni Grecelyn ilabi na nga nahitabo gayod ang maong insidente sulod sa eskwelahan. Mahinumdumang niadtong Lunes lamang, usa ka batang babaye usab ang namatay human natumbahan og lubi. - Testigo