Tanang pulis sa San Isidro, Davao Oriental, kasuhan

Mga sakop sa San Isidro Municipal Police Station sa Davao Oriental pasakaan og kaso sa Regional Investigation and Detective Management Division (RIDM) sa Philippine National Police sa region 11. Kasong serious neglect of duty atubangon sa mga naasoyng pulis human nalimas sa mga membro sa New People’s Army ang mga armas sa police staion sa raid niadtong Miyerkules, sumala pa ni P/Supt. Aaron Aquino, hepe sa RIDM. Ang pipila sa mga kalapasan sa maong police station nga nakita sa RIDM, una, mao nga wala kiniy gwardiya atubangan dihang nahitabo ang raid. Ikaduha, ang tanang mga armas gisulod sa mga locker hinungdan nga naglisod ang mga pulis pagkuha niini panahon sa emergency sama sa nahitabo. gibutyag niini nga dili lamang pito ka mga police i-relieve kon dili ang tibook puwersa sa San Isidro Police. Kung mapamatud-an nga nagpasagad sa ilang mga responsiblidad, dunay tukmang silot nga ipahamtang ngadto kanila. Nahitabo ang raid mga ala-una hangtod ala una y medya sa hapon dihang niabot ang usa ka puti nga van. Nigawas sa van una ang tulo ka NPA nga nagpakaaron-ingnon nga dinakpan. Dinhi gisaysay sa mga pulis ang sunud-sunod nga pagsulod sa mga NPA og pagti-on usa-usa kanila og pistola. Si Viagedor, gitiunan usab sa mga NPA samtang naglingkod sa usa ka duyan. Human matiuni ang mga pulis, gilimas sa mga NPA ang mga armas sa station. Nakuha sa mga rebelde ang mga m16 rifle, kalibre .45 nga pistola sa mga pulis, 9mm pistol ni Viagedor, kalibre .38 ug duha ka shotgun gikan sa guwardiya sa Sodaco nga gidis-armahan usab dungan sa raid sa San Isidro Police Staiton. Wala pa moluwat og pahayag si Viagedor bahin sa hitabo. Ang duha ka van nga gigamit sa mga NPA, ingon man ang Elf truck nga gihimong getaway vehicle, na-recover ug nakatambay sa San Isidro Police. - Testigo