Magtiayon patay sa buy-bust operation sa Davao del Norte

Patay ang mag-asawang nakigpinusilay sa mga pulis atol sa buy-bust operation sa Tagum City, Davao del Norte. Diha-dihang napatay ang mag-asawang Noel ug Rose Algabre sa gikatahong pinusilay dihang nisukol sa mga otoridad ang duha. Sumala ni Police Supt. Dario Gunabe, hepe sa Tagum Police Station, bag-o ang panghitabo, nakadawat sila ug report sa kalihukan sa mag-asawa. Base sa report, gilayong gipalusad sa mga pulis ang buy-bust operation, apan nisukol kuno ang mga biktima. Na-recover sa mga pulis ang duha ka sachet sa shabu ug mga aluminum foil. Nakuhaan usab kuno ug armas ang duha ka mga biktima. Gumikan sa hitabo nipahimangno ang mga pulis sa tananng mga taga-Tagum nga nahilambigit sa ilegal nga droga nga seryoso ang gobyerno nga gukdon ang mga malapason sa balaod. - Testigo