EXCLUSIVE: Papa JT, may sariling 'flavor' bilang bagong host ng 'Talk Back' | GMANetwork.com - Radio - Articles

Sa exclusive interview ng GMANetwork.com sa dubber/radio host na si Papa JT, ikinuwento niya ang pinakapaborito niyang aspeto sa 'Talk Back.'

EXCLUSIVE: Papa JT, may sariling "flavor" bilang bagong host ng 'Talk Back'

By AEDRIANNE ACAR

Sobra ang tuwa ng pinakabagong Kabarangay natin na si Papa JT nang siya ang mapiling humawak ng early morning radio program na Talk Back, matapos ito pangunahan ni Papa Ding.

EXCLUSIVE: Papa JT, "tadhana" ang paglipat sa Barangay LS

 

Sa exclusive interview ng GMANetwork.com sa dubber/radio host na si Papa JT, ikinuwento niya ang pinakapaborito niyang aspeto sa Talk Back.

Paliwanag niya, “And I love it! I love it… Kumbaga being real is what the show is all about, no pretension. Kasi ang premise din nung programa ay mayrun tayong pagde-debatehan, so may kanya-kanyang team. May papanig sa isang team, may papanig sa kabilang team and they get to debate on their chosen side.”

Gusto rin daw niya makuha ang raw emotions at opinions mula sa mga listeners niya na tumututok araw-araw.

Ani Papa JT, “Gusto ko lang ma-extract from the listeners ‘yung talagang raw opinion and raw response for the topic. Sabi ko nga, keeping it real is what Talk Back is all about.”

Malaki din ang pasasalamat ng Bro Next Door ng Barangay LS na natanggap siya ng mga loyal Kabarangay bilang host ng Talk Back, matapos ito hawakan nina Papa Marky at Papa Ding.

Plano din daw niya bigyan ng sarili niyang flavor ang Talk Back para mas lalong tumatak sa mga FM listeners.

“May sari-sarili kaming diskarte, may sari-sarili kaming flavor. So ako ‘yung flavor ko ‘yun keeping it real. So, lagi ko rin sinasabi sa mga listeners na gawin nating outlet 'to, walang tama at mali. Your opinion is very welcome.”

Samahan si Papa JT sa Talk Back Monday to Saturday, 12MN to 3AM at Sakto Mismo Sunday, 3-5pm.

Yayain ang buong barangay para makinig sa mga paborito ninyong Barangay LS disk jocks online via the live audio stream nito sa www.gmanetwork.com/radio.