Mama Emma at Papa Marky, nasa Super Radyo DZBB na rin!

December 03 2018

By AEDRIANNE ACAR

Mga Kapuso, mas kapana-panabik ang pagtutok ninyo sa nangunguna at hindi mapantayang AM station ng Mega Manila na Super Radyo DZBB 594kHz dahil dalawa sa pinakamagaling at popular radio DJs ng Barangay LS 97.1 ay makakasama ninyo na rin sa DZBB.

Samahan ang ‘Hugot Queen’ na si Mama Emma sa palong-palo niyang programa na ‘Mama Emma sa Dobol B’.

Handa siyang makinig sa mga problema ninyo sa buhay, mapa-love life, trabaho o pamilya.

Samantala, kung na-miss ninyo ang mga panalong advice ng tinaguriang ‘Life Coach’ ng Barangay LS, maari ninyo siyang maka-chikahan sa DZBB tuwing Sabado't Linggo sa bago niyang show na 'Buhay-Buhay.'

READ: Barangay LS DJ Papa Marky wins big at the 3rd Inding-Indie Short Film Festival

Huwag nang magpalit ng istasyon at tumutok sa mga bagong programa ng DZBB na ‘Mama Emma sa Dobol B,’  Lunes hanggang Biyernes (12MN-3AM) at sa ‘Buhay-Buhay’  kasama naman si Papa Marky tuwing Sabado at Linggo, sa parehong oras.