WATCH: Dog lover na si Rita Daniela, hindi nahirapang makaeksena ang asong si Patras sa '#MPK' | GMANetwork.com - Radio - Articles

Ano-ano ang mga dapat abangan sa episode nina Rita Daniela at Kristoffer Martin sa ‘#MPK?’

WATCH: Dog lover na si Rita Daniela, hindi nahirapang makaeksena ang asong si Patras sa '#MPK'

By AEDRIANNE ACAR

Nasubukan ang drama skills ng actress/singer na si Rita Daniela sa guesting niya sa #MPK o Magpakailanman nang gumanap bilang Jessy sa kuwento ng ‘My Hero Dog.”

Sa naging panayam ni Rita sa Sikat last Thursday, February 13, ibinahagi niya ang tungkol sa magiging episode nila ni Kristoffer Martin sa weekly-drama anthology.

Aniya, “Well si Jessy, ‘yun ‘yung aking character. Si Jessy ay mayroonng multiple sclerosis or we can call it also as MS.

“’Yung sakit niya unti-unting bumibigay ‘yung katawan niya, nanghihina ‘yung bones. ‘Yung nangyari kasi kay Jessy, umabot siya sa point na hindi na siya puwede makalakad e.

“Hindi talaga, feeling niya tapos na ‘yung mundo para sa kanya. Sabi nga niya, maghihintay na lang siya kung kailan darating ‘yung araw na ‘yun.”

Dagdag niya, “Pero dahil kay Patras, which is ‘yung dog na niregalo nung character ni Kristoffer Martin (Dens), doon nagbago ‘yung buhay ni Jessy.”

Hindi naman daw nahirapan sa taping si Rita kahit may ka-eksena siyang aso.

Paliwanag niya, “Mayroon akong dog sa bahay namin. Marami kaming dogs so hindi ako nahirapan makipag-bonding kay Patras.”

Magpakailanman presents 'My Hero Dog (The Jessy Tuazon Story)'

Rita Daniela, bibida sa '#MPK' story tungkol sa bayaning aso

Sa ilalim ng mahusay na direksyon at panulat ni Don Michael Perez at mula sa pananaliksik ni Karen P. Lustica, makakasama din ni Rita sina Kristoffer Martin, Rosemarie Sarita at Ollie Espino.