Papa Dudut at Super Radyo DZBB, kinilala sa 6th Gawad Lasallianeta

January 30 2024

By AEDRIANNE ACAR

Extra special ang simula ng 2024 para sa award-winning Barangay LS DJ na si Papa Dudut.

Kinilala muli ang husay ng Kapuso radio host sa katatapos na 6th Gawad Lasallianeta. Ngayong taon, muling nanalo si Dudut bilang Most Outstanding Male DJ, ang parehong award na nakuha niya noong 2023.

Sa Facebook page ng Barangay LS host, nagpaabot ito ng pasasalamat sa natanggap niyang parangal.

Sabi niya, “Maraming Salamat po sa 6th Gawad Lasallianeta sa pagkilala na inyong pinagkaloob saken! Most Oustanding Male DJ. Superrr thank you!!!”

Ilang awards at citations din ang nasungkit ni Papa Dudut noong nakaraang taon mula sa Catholic Mass Media Awards at Philippine Choice Awards.

Samantala, binigyan pugay din sa 6th Gawad Lasallianeta ang yumaong GMA Integrated News pillar na si Mike Enriquez na binigyan ng posthumous award.

Pumanaw ang highly-respected TV and radio anchor sa edad na 71 noong August 29, 2023.

Itinanghal naman na Most Outstanding Digital Radio show ang number one AM station ng bansa na Super Radyo DZBB.