Papa Dudut, wagi sa Laurus Nobilis Media Excellence Awards

March 09 2026

By AEDRIANNE ACAR

Isang top university ang muling kinilala ang husay at galing ng Barangay LS DJ na si Papa Dudut.

Wagi si Papa Dudut sa Laurus Nobilis Media Excellence Awards ng Lyceum of the Philippines University (LPU) Cavite na idinaos noong March 6 sa kategoryang Radio Disc Jockeying (male).

Taos-puso ang pasasalamat ng multi-awarded FM radio host sa natanggap niyang parangal mula sa LPU-Cavite.

Post niya sa Facebook, “Maraming Salamat sa Laurus Nobilis Media Excellence Awards ng Lyceum of the Philippines University Cavite sa pagkilala na ito! Happy Monday! para sa atin ito mga kapuso!”

Host si Dudut ng high-rating radio program na Barangay Love Stories na isa rin sa top podcasts sa music streaming platform na Spotify.