Muling alalahanin ang mga celebrities at showbiz personalities na namayapa na ngayong taon.
Malaki ang kontribyusong naimbag ni German Moreno sa mundo ng showbiz kaya't nagluksa ang buong industriya noong pumanaw ito.
Kilala si Lilia Cuntapay bilang 'Queen of Philippine Horror Movies' dahil sa mga iconic horror characters na kaniyang ginampanan.
Tanyag na aktor ng comedy at action films si Dick Israel. Ilang buwan bago ang kaniyang pagpanaw ay nasunugan ng bahay sa Caloocan ang aktor.
Tumatak sa mga batang 90s ang mga movies at music na ginawa ni Blakdyak. Nitong taon, natagpuan ang bangkay ni Blakdyak sa kanilang condominium ngunit hindi pa alam ang kumpletong detalye ng kaniyang pagkamatay.
Tiyak na marami sa atin ang napasaya ng komedyanang si Joy Viado. Ang huling appearance niya sa telebsiyon ay ang 'Dear Uge.'
Sumikat noong 50s, lumabas sa higit 85 movies ang actress na si Lolita Rodriguez. Nag-migrate ang kaniyang pamilya sa USA at doon na inabutan ng katandaan.
Isa pang malaking kawalan sa industriya si Direk Wenn Deramas na na-cardiac arrest ilang oras matapos bawian ng buhay ang kaniyang kapatid.
Si Uro dela Cruz ang tumayong direktor ng Bubble Gang for 20 years kaya't nalungkot ang buong cast ng gag show nang mabalitaan ang sinapit ng direktor.
Marami din ang nagulat at nagluksa sa pagkawala ng dating senator na si Miriam Defensor-Santiago. Isa sa mga celebrities na apektado ay si Heart Evangelista na pangalawang ina ang turing sa senadora.