Hindi nakaligtas sina Billy Crawford at Coleen Garcia sa mga mapanuring mata ng mga netizens. Nahanap nila ang mga gamit na gawa sa parehong tela ng kanilang mga damit para sa kanilang Ethiopian pre-wedding shoot.
Isa sa mga nag-troll sa outfit ni Billy ay ang Asia's Songbird. Ayon sa nakakatawang post ni Regine, "Parang namiss ko si @billycrawford miss you friend." Sinagot naman ito ni Billy ng, "'Di kami nag kamali ng tela. Official #songbird unan!"
Isa sa mga unang nakita ni Billy sa social media at ni-repost sa kanyang account ay ang bag na ginamitan ng parehong tela para sa kanyang suit.
Dahil sa sunod-sunod na posts ang nakikita ni Billy ay inencourage na niya ang lahat na magbahagi pa ng photos sa kanya. Aniya, "All around pala ang telang eto. #StylistIsDead #keepemcomin"
Bukod sa bag, ang tela na ginamit sa suit ni Billy ay karaniwan palang makikita sa mga home accessories tulad ng unan at sofa.
Hindi napigilang matawa ni Billy dahil pati ang mga outfits ni Coleen ay may kamukha rin. Aniya, "Billy and @coleen out! #MicDrop seriously sa lahat ng gumawa nito salamat binuhay n'yo katawang lupa namin pero pinatay n'yo ang stylist namin! Bwahahahahaha"
Tulad ng kay Billy, bags at unan rin ang karaniwang pinaggamitan ng tela mula sa outfits ni Coleen.