Na-miss niyo ba ang BoBrey? Mapapanood niyo ulit sina Rita Daniela at Ken Chan sa upcoming GMA primetime show, One of the Baes.Tingnan ang mga kaganapan sa kanilang story conference with the whole cast and crew.
Matapos ang success ng 'My Special Tatay,' balik drama ulit sina Rita Daniela at Ken Chan para sa 'One of the Baes,' kasama ang all-star cast na kinabibilangan nina Pauline Mendoza, Edgar Allan Guzman, Roderick Paulate, Tonton Gutierrez, at Amy Austria.
Excited na raw magbalik TV si Roderick Paulate na first time makakasama ang RitKen.
Star-studded ang cast ng 'One of the Baes' na pagbibidahan din ng ilan sa mga beteranong artista ng bansa tulad nina Roderick Paulate, Amy Austria , Jestoni Alarcon at Tonton Gutierrez.
Makakasama rin ng RitKen sina Pauline Mendoza at Edgar Allan Guzman na magiging mga kontrabida sa 'One of the Baes.'
Mapapanood si Maureen Larrazabal sa 'One of the Baes' bilang love interest ni Roderick Paulate, kasama si Buboy Villar bilang sidekick ni Ken Chan at sina Archie Alemania, Kenneth Medrano at James bilang mga “baes” o barkada ng karakter ni Rita Daniela.
Excited and blessed ang pakiramdam ng RitKen ngayong nabigyan sila ng isang primetime slot drama na tiyak na iba mula sa kanilang roles bilang sina Boyet at Aubrey.
Napamahal si Ken Chan sa karakter niya sa 'My Special Tatay' as Boyet, pero sobrang excited na siyang gumanap bilang si Grant, isang mapagmahal at hopeless romantic na lalaki na mapapamahal sa karakter ni Rita Daniela.
Ibang Rita Daniela naman daw ang makikita sa 'One of the Baes' kung saan mapapanood si Rita bilang si Jowalyn o Jowa. Isang palaban na dalaga na pangarap ang nasa puso.
Balik teleserye si comedian Roderick Paulate na gaganap bilang si Paps, ang closet gay father-figure ni Rita Daniela.
Isang empowering female role ang dapat abangan kay Amy Austria sa 'One of the Baes' kung saan gaganap siya bilang ang first female captain of the ship sa Pilipinas, at ina ni Jowa.
Gaganap bilang tatay ni Rita Daniela si Tonton Gutierrez as Waldo sa 'One of the Baes.'
Matapos ang 'Dragon Lady,' balik acting agad si Edgar Allan Guzman as Charles para sa 'One of the Baes.'
Kilalanin si 'That's My Bae' Kenneth Medrano sa 'One of the Baes' bilang si Amador Amador, isa sa mga baes o BFFs ni Jowa.
Abangan si Pauline Mendoza bilang ang kontrabidang si Xtina Aguilar.
Kakaibang Maureen Larrazabal ang makikita sa 'One of the Baes' bilang Carmina Rivera, ang love interest ni Roderick Paulate o Paps. Ex ni paps si Carmina at type na type nito si Paps. Hindi niya maintindihan kung bakit kahit naka-two piece na siyang nagdidilig ng halaman ay hindi pa rin siya pinapansin ni Paps!
Abangan si Buboy Villar bilang si Efren at si Archie bilang Chard, ang komedyanteng mga barkada ni Jowa.
Matapos ang kaniyang high-rating 'Magpakailanman' episode kasama si Pauline Mendoza, handang-handa nang magbalik Kapuso si Amy Austria.
Handog ng GMA News and Public Affairs ang 'One of the Baes,' na magpapakita rin sa buhay ng ating mga local seafarers.
Kakaibang kilig at comedy ang dapat abangan mula sa RitKen at buong cast ng 'One of the Baes' na iikot sa buhay ng mga nasa maritime industry.
Abangan ang 'One of the Baes,' malapit na sa GMA primetime!