Jennylyn Mercado, excited na sa 'The PreNup' movie nila ni Sam Milby

By BEA RODRIGUEZ

 

Excited na ang Kapuso star na si Jennylyn Mercado na mapanood ng kanyang fans ang bagong pelikula na kasama ang Kapamilya actor na si Sam Milby.

 

READ: Jennylyn Mercado to star with Sam Milby in ‘The PreNup’ 

 

Nag-post ng ilang wacky photos ang StarStruck judge sa kanyang Instagram at inimbitahan ang kanyang followers na makisaya at kiligin sa October 14.

 

Ibinahagi rin niya ang full movie trailer sa kanyang social media account. Ginagampanan ni Jen ang character ni Wendy at nakilala niya ang kanyang fiancé na si John sa eroplano patungong New York. Mabilis silang nahulog sa isa’t isa kaya nag-propose kaagad sa kanya ang Filipino-American. Agad naman tinanggap ng dalaga ang proposal kaya tinipon nila ang kanilang mga pamilya upang magkakilala ngunit hindi nagustuhan ng pamilya ni John si Wendy. Matutuloy pa kaya ang happy ending?

 

Kasama rin sa pelikula sina Freddie Webb, Jaclyn Jose, Melai Cantiveros, Gardo Versoza, Dominic Ochoa, Ella Cruz, Neil Coleta, and Nathalie Hart.

 

LOOK: Jennylyn Mercado shoots in New York City