WATCH: Jake Ejercito, kinumpirmang siya ang ama ni Ellie
Tahasan nang inamin ni Jake Ejercito na siya ang tunay na ama ni Ellie, kanyang anak kay Andi Eigenmann. Ito ang kinumpirma ng aktor sa ulat ng 24 Oras.
Noong nakaraang taon lamang daw nakumpirma ni Jake na anak nga niya si Ellie matapos sumailalim sa DNA test noong nakaraang taon. Ayon sa ulat, kailanma’y hindi raw niya itinanggi ang kanyang anak at umiwas lamang siya sa intriga para protektahan ang bata.
“You know I could talk about it openly. It could have been handled better,” ani Jake nang tanungin tungkol sa kontrobersyal na pagsasapubliko ng kanyang pagiging tunay na ama kay Ellie.
Handa rin naman ang mga kapamilya ni Jake na tanggapin ang anak nina Jake at Andi.
Sambit ng ina ni Jake na si Laarni Enriquez, “Kung marami kaming bata na minamahal na hindi namin kaano-ano, na inaalagaan namin, what more kung talagang kadugo namin, sa amin. Siyempre, tatanggapin namin, mamahalin namin at ipagmamalaki namin.”
“Ellie’s great! I love Ellie. I love Ellie right from the beginning,” wika naman ni Jerika Ejercito, kapatid ng aktor.
Video courtesy of GMA News
MORE ON JAKE EJERCITO:
READ: Jake Ejercito dedicates PMPC Star Awards recognition to daughter Ellie