WATCH: Pagdinig sa kaso ni Mark Anthony Fernandez, gumulong na
Gumulong na ang pagdinig sa kasong tinatawag na ‘Transportation of Illegal Drugs’ laban kay Mark Anthony Fernandez.
Sa naganap na pre-trial conference sa Angeles City Regional Trial Court kahapon, January 18, iniharap ng prosekusyon ang mga ebidensya laban sa aktor. Dumalo rin si Alma Moreno, ina ni Mark, sa pagdinig na umabot lamang ng kalahating oras.
Ani Atty. Sylvia Flores, abogado ni Mark, nang tanungin tungkol sa nangyari, “Hindi kami pwedeng tumutol. Right nila ‘yung to present.”
“I made a manifestation already,” dugtong niya.
Sa ulat ng 24 Oras, makikitang nakaposas si Mark habang nasa loob at labas ng gusali, at hanggang sa ihatid siya sa Pampanga Pronvincial Jail.
Nakulong si Mark noong Oktubre noong nakaraang taon matapos siyang mahuling may dalang isang kilo ng marijuana sa kanyang sasakyan.
Video from GMA News
MORE ON MARK ANTHONY FERNANDEZ:
WATCH: Mark Anthony Fernandez, lusot sa isa niyang kaso